De corazón, mariñeiro
Luns Xaneiro 22nd 2018,
Filed under: Vídeo documental

A través das palabras de Vituco, da Estación de Bioloxía Mariña da Graña, mergullámonos na ría de Ferrol para coñecer algunhas das especies que a habitan, ao tempo que coñecemos o traballo que desenvolve o seu equipo científico, entre o que se atopa a eumesa Xela Cunha Veira, ex-alumna do IES Breamo de Breamo.

De corazón, mariñeiro é unha curtametraxe realizada polo alumnado de 3º e 4º da ESO do CPI A Xunqueira, de Fene, entre os meses de outubro de decembro de 2017, ao abeiro do programa «Vidas mariñeiras», e estreada nos Cines Dúplex de Ferrol o 21 de decembro do mesmo ano.

O sábado 13 de xaneiro de 2018 foi presentada na Coruña, na sala do Centro Galego de Artes da Imaxe.

 

 

Dirección:
Ángelo A. Cazorla Villarroel, Paula Leite Pico, Sofía Moure Dopico, María Pérez Seoane, Alicia Prieto López, Marta Seco Ameneiro, Caio Augusto Severiano Artiaga, María Souto Rodríguez

 

Fonte: Vidas mariñeiras



Entre o río e o mar
Luns Xaneiro 22nd 2018,
Filed under: Vídeo documental

Deixándose levar pola corrente do río Eume, alí onde se confunde coas augas do mar, esta peza demórase en conversas cos mariñeiros do porto e a singular paisaxe da desembocadura ao seu paso por Pontedeume.

Entre o río e o mar é unha curtametraxe realizada polo alumnado de 3º de ESO do IES Breamo, de Pontedeume, ao abeiro do programa «Vidas mariñeiras», entre os meses de outubro e decembro de 2017. Foi estreada nos Cines Dúplex de Ferrol o 21 de decembro do mesmo ano e o sábado 13 de xaneiro de 2018 foi presentada na Coruña, no Centro Galego de Artes da Imaxe.

 

 

Dirección: Belén Carballeira Ageitos, Vítor Castelos Pérez, Lucía Cots Vera, María López Álvarez, Cástor Regueira Dosil, Sara Rubido Varela e Emilio Sánchez Ródenas.

Fonte: Vidas mariñeiras



Fóra do río. High Paw
Venres Decembro 15th 2017,
Filed under: Música

“Fóra do río” é o tema que abre Searching for the Recipe, o primeiro traballo da galega High Paw.

Vídeo gravado en maio de 2016 na península do Morrazo por Martín Gil, Xabier Jacome e Martín Fiallega de Licor Kafé Films.



93. Darío DK
Venres Decembro 15th 2017,
Filed under: Música

Letra: Darío DK.
Gravación e mezcla: Rives.
Videoclip: Rives.



Temos un Nhu na leira. Airinhos do Cu
Xoves Decembro 14th 2017,
Filed under: Música

“O esperpéntico e ecléctico colectivo Airinhos do Cu ten o prazer de apresentar Temos um Nhu na Leira. Este noso segundo videoclí ben podería ter algunha explicación a modo de prólogo, ou incluso epitafio… iso deixámolo ao voso parecer.”

Con estas palabras se presenta este proxecto cheo de humor.



Romance da bela rosa. Sés
Xoves Decembro 14th 2017,
Filed under: Música

Auditorio de Galicia – 8 de abril 2017



Labregha Berghantiñana. Sés
Xoves Decembro 14th 2017,
Filed under: Música


Ultramarinos – Santiago de Compostela – 26 de nvoembro de 2013



Readmirando a condición. Sés
Xoves Decembro 14th 2017,
Filed under: Música

“Readmirando a condición” é o tema que abre o quinto disco da autora galega, traballo homónimo que recolle ademais as once cancións do seu primeiro álbum, Admirando a condición (2011).
Readmirando a condición está composto por doce tracks escritos, musicados e arranxados pola propia Sés, que exerce nel de produtora musical e executiva.



Non é verán de Estrella Damm. Ezetaerre
Xoves Decembro 14th 2017,
Filed under: Música

Despois de tanto frío xa tardaba este verán
E invaden a terriña eses turistas alemáns
Mollando a sardiña nun cacho de pan
Que aquí non se pide paella, paspán
Non son illas Caimán este grande paraíso
Aínda que o queiran converter noutro luxo para ricos
Cemento e pelotazo, tópicos tan típicos
Galiza tropical éche sitio distinto
Noite, lúa, estrelas sobre a area
Berrarlle a ese pavo que está a roncar na sesta
Perreo salvaxe co son das orquestras
Nin piche no mar, nin lume na foresta
Protesta! Que xa chega o trebón
Que non te pille vendo a televisión
Dá noxo o seu xogo de especulación
Outro desaloxo, outra okupación

Pintarmos nas nubes lembranzas e soños
Volta á rutina, non quero máis choros
Coidarnos, vivirmos sen pensar no como
Se temos apertas que agarde este outono
Balcóns e turistas moi ben non casan
Non sei se é un paxaro ou é un avión
Pronuncias Sangenjo con aires da Castellana?
Vas ir directiño a un gulag en Benidorm

Non é verán de Estrella Damm
É o verán da working class
Collimos forzas todo o ano
para expropiarlles o verán

Nós non imos a Cancún que a pasta non sobra
Toca traballar, nin cruceiros, nin tumbonas
Queremos que a Solana sexa pública pra todas
E se isto non se arranxa… Bomba!
Queda ti no iate, eu na praia ao atardecer
Nadando en San Amaro cun frío que corta a pel
Outro festival no que se pon a chover
E o cabrón do Antonio que non pensa aparecer
Non sei se son camareiro ou escravo
Tres meses de explotación e din que baixa o paro
Hoy no hay contrato
Soño dunha noite dun curro precario
Un partido cos colegas á luz do serán
E co son dunha canastra cunha rede de metal
Expropiaremos cada casa en primeira liña de mar
Fódete, Maluma, este é o tema do verán

Pintarmos nas nubes lembranzas e soños
Volta á rutina, non quero máis choros
Coidarnos, vivirmos sen pensar no como
Se temos apertas que agarde este outono
Loitar nesta vida pasando do drama
Fuxindo de guiris queimados ao sol
Que é iso que toma o calvo da Panorama?
¡No! ¡Azúcar no!

Retrouso

Espertamos da resaca cun tema de Georgie Dann
Aires de Caribe Mix entre as Ketchup e Chayanne
Unha sesta co Tour pegado ao ventilador
Que esta noite imos de esmorga como ingleses en Salou
Yo sí quiero montarme en tu velero
Poñer rumbo a Lampedusa e asaltar un patrulleiro
Pra vivir mediterraneamente
O mar é o cemiterio dunha Europa indiferente
Vente a construír outro verán
As festas libres de acoso xa non poden agardar
Non máis xentrificación, nin turismo colonial
Non máis curro veraniego, inestable e temporal
E Jordi Cruz a currar nun chiringuito
A tres euros á hora e sen dereito a finiquito
Primo, cadaquén na súa función
Tourist go home and refugees welcome

Pintarmos nas nubes lembranzas e soños
Volta á rutina, non quero máis choros
Coidarnos, vivirmos sen pensar no como
Se temos apertas que agarde este outono
Picantes coma os pementos de Padrón
Contemos historias pra rir a cachón
Manel Navarro, o teu tema é un mojón
2018, Ezetaerre a Eurovisión

Retrouso



As 100 palabras galegas para chuvia
Sábado Decembro 09th 2017,
Filed under: A lingua por dentro

Un estudo de Santiago sinalou máis de 100 vocábulos para denominar a chuvia. Incorporamos aquí un extracto do artigo de Eduardo Rolland para GCIENCIA adicado a este tema.

Pódese consultar o artigo completo aquí.

Existe a crenza de que os esquimós inuit teñen centos de palabras distintas para designar a neve. Pero é falso. A falacia foi propalada polo antropólogo estadounidense Franz Boas en 1911. En realidade, as linguas inuit son polisintéticas, co que crean longas palabras que funcionan como frases completas. E por iso só teñen dúas raíces léxicas ou ‘palabras’ para a neve: ‘ganik‘, para os copos no aire; e ‘aput‘, para a que se acumula no chan. Que logo, cando se escoitan, parezan longas palabras só responde a que lle suman afijos que en galego serían adxectivos ou preposicións como ‘branca neve’, ‘neve a derreter’ ou ‘neve en po’.

Así que non é certa a lenda dos esquimós e a palabra neve. Pero si é verdade que os galegos teñen máis de cen palabras para designar a choiva, das que 61 a denominan directamente. As razóns resultan bastante obvias.

(…)

Aquí tes 61 palabras para dicir choiva en galego

Para resumir aquí están 61 palabras galegas distintas para denominar a choiva. E outras dezaseis máis relacionadas co mesmo concepto:

Para chuvia feble: Babuña, Babuxa, Barbaña, Barbuza, Barrallo, Barrufa, Barruñeira, Barruzo, Borralla, Breca, Chuvisca, Chuviscada, Chuviñada, Froallo, Lapiñeira, Marmaña, Orballo, Parruma, Parrumada, Patiñeira, Patumeira, Poalla, Poallada, Poalleira, Poallo, Zarzallo…

Para chuvia forte: Arroiada, Ballón, Basto, Bátega, Bategada, Cebra, Cebrina, Chaparrada, Chuvascada, Chuvasco, Chuvieira, Cifra, Ciobra, Dioivo, Treixada, Xistra, Zarracina…

Cando hai raios e tronos: Treboada, Torboada, Torbón, Trebón…

Se vén con neve e xeo: Auganeve, Cebrina, Cebrisca, Escarabana, Nevada, Nevarada, Nevareira, Nevarío, Nevisca, Nevarisca, Pedrazo, Salabreada, Sarabiada, Torba…

Cando remata de chover: Amizar, Delampar, Escambrar, Escampar, Estear, Estiñar, Estrelampar…

E cando hai condensación de auga: Borraxeira, Borraxoia, Brétema, Cegoña, Fuscallo, Néboa, Neboeiro, Nebra, Zarrazina…

 

FONTE: GCIENCIA. O PORTAL DA CIENCIA GALEGA (04/01/2016)