A princesa do Caurel
Martes Novembro 28th 2017,
Filed under: Cultura popular,Videocreación

Esta é a adaptación cinematográfica do libro A princesa do Caurel, de OQO editora. Texto de Patacrúa e ilustracións de Javier Solchaga.

E isto que é?

A princesa do Caurel é un conto acumulativo clásico que recupera os elementos típicos das series da tradición europea: gato, can, pau, lume, auga… co que as nenas e nenos nenos aprenden a ver relacións, a establecer conexións, a xeneralizar e a facer predicións.

Parte da presentación do personaxe que lle dá título á obra e un acontecemento narrado cunha frase breve: “Esta é a pega que roubou o anel da princesa do Caurel”. A esta acción irán engadíndose, dun xeito matemático, outras novas. O elemento desaparecido constitúe o fío condutor da historia e propicia un desenlace feliz, pechando o ciclo de maneira circular e restablecendo a orde do principio do conto: “Este é pastor que atopou o anel e gañou un bico da Princesa do Caurel”.

A rapidez da acción facilita o seguimento da secuencia e a transición duns acontecementos a outros prodúcese dun xeito que provoca curiosidade e atrae o interese do receptor, para contribuír ao desenvolvemento de capacidades como a comprensión, a imaxinación ou o sentido estético dos máis pequenos.

Fonte: culturagalega.org



Todos somos capitáns. Magín Blanco
Martes Novembro 28th 2017,
Filed under: Música

Todos somos capitáns é un video clip extraído do libro de contos con música A nena e o grilo nun barquiño, de Magín Blanco.



Cuidado com a língua: O Galego
Domingo Outubro 29th 2017,
Filed under: Lusofonía,Vídeo didáctico
Comentarios desactivados en Cuidado com a língua: O Galego

Reportaxe do programa ‘Cuidado com a língua’ da RTP (Rádio e Televisão de Portugal) sobre as diferenzas entre o galego e o portugués.

Tendo en conta que nos dá unha visión do galego e de Galiza non exenta de tópicos (sempre as meigas) e que ademais reduce o portugués ao padrón lisboeta, sen ter en conta as variantes dialectais do norte de Portugal (que ao igual que no galego non diferencian na pronuncia o b e o v), o vídeo resulta máis interesante para estudar o que teñen en común galego e portugués que o que teñen de diferente.

Vía: montedaguia.blogspot.com.es



Proporción dourada
Luns Xullo 10th 2017,
Filed under: Teoría da imaxe
Comentarios desactivados en Proporción dourada

 

“Proporción dourada” é o título da fotografía gañadora do II CONCURSO DE FOTOGRAFÍA MATEMÁTICA convocado polo Departamento de Matemáticas do IES Breamo de Pontedeume.

A imaxe foi tomada na praia da Magdalena (Cabanas) o pasado 9 de marzo por Carme Regueiro, alumna de 2º de Bacharelato.

Con esta fermosa referencia á proporción áurea queremos despedir o curso que se foi e entregármonos por fin ao verán e ao marabilloso ciclo das estacións.

 

Vía: Edu Crego

 



Leandro Lamas e Castelao
Mércores Maio 17th 2017,
Filed under: Documentos,Sociolingüística
Comentarios desactivados en Leandro Lamas e Castelao

Acuarela de Leandro Lamas

Texto de Castelao



Mil nenas e nenos cantan “Chea de vida” con Guadi Galego
Martes Maio 16th 2017,
Filed under: Música
Comentarios desactivados en Mil nenas e nenos cantan “Chea de vida” con Guadi Galego

Enmarcada na celebración das Letras Galegas, chéganos esta fermosa iniciativa desde Ferrol.

Por unha lingua chea de vida.
Por un ensino cheo de vida.
Por unha mocidade chea de vida.
Por unha vida chea de música.

A raíz do curso organizado polo CFR de Ferrol “O coro escolar como actividade integradora”, decidiuse xuntar a máis de mil nenas e nenos de centros de ensino de Ferrolterra para estimular a creación de coros escolares a partir do repertorio de músic@s galeg@s actuais.

A canción escollida foi “Chea de vida”, de Pachi García, interpretada por Guadi Galego no seu disco “Lúas de outubro de novembro”.

Esta actividade contou coa colaboración de Navantia, que cedeu unha das súas naves para realizar e gravar a actuación, a Secretaría Xeral de Política Lingüística e coa participación desinteresada do director dos coros Ramón Bermejo Díaz de Rábago, da cantante Guadi Galego e do guitarrista Guillerme Fernández.



Unha canción en portugués conquista o corazón dos europeos
Domingo Maio 14th 2017,
Filed under: Lusofonía,Portugal
Comentarios desactivados en Unha canción en portugués conquista o corazón dos europeos

 

Como anunciaban todos os prognósticos, Salvador Sobral gañou onte Eurovisión 2017 coa canción “Amar pelos dois”.

É a primeira vez que Portugal gaña este festival e ademais faino ao grande, pois foi a canción máis votada polo xurado e tamén polo televoto, acadando un total de 758 puntos, a maior puntuación que consegue unha canción na historia de Eurovisión.

Como ben dixo Castelao, “a nosa lingua florece en Portugal”.

Eis a interpretación dos irmáns Sobral que fechou a gala, despois de recibir Salvador o micrófono de cristal:



Amar pelos dois. Salvador Sobral (vídeo coa letra)
Xoves Maio 11th 2017,
Filed under: Lusofonía,Portugal
Comentarios desactivados en Amar pelos dois. Salvador Sobral (vídeo coa letra)

Canción vencedora do Festival da Canção 2017

Autora: Luísa Sobral

Intérprete: Salvador Sobral

 

Versión acústica interpretada polos irmáns Sobral ao vivo e en directo no programa BFF da RFM.

 



“Amar pelos dois” cantada por nenos e nenas de Cádiz
Xoves Maio 11th 2017,
Filed under: Lusofonía,Portugal
Comentarios desactivados en “Amar pelos dois” cantada por nenos e nenas de Cádiz

A canción “Amar pelos dois” parte favorita entre as finalistas de Eurovisión 2017 e xa ten moitos fans por Europa adiante, tamén nas escolas.

Eis un vídeo dun cole de Cádiz con alumnos e alumnas animando a Salvador Sobral , #salvadorable.

Fonte: Jornal de noticias (09/05/2017)



Amar pelos dois. Unha balada en portugués parte entre as favoritas para Eurovisión 2017
Xoves Maio 11th 2017,
Filed under: Lusofonía,Portugal
Comentarios desactivados en Amar pelos dois. Unha balada en portugués parte entre as favoritas para Eurovisión 2017

Unha canción de amor composta por Luísa Sobral e interpretada por Salvador Sobral, foi a vencedora do Festival da Canção 2017 e representa a Portugal en Eurovisión. A escolla non estivo exenta de polémica e o mesmo polo que foi criticada é polo que agora é encumada. Unha balada tranquila e intimista, interpretada dun xeito moi persoal e en portugués!

 


Salvador Sobral – Amar Pelos Dois – 1ª Semifinal | Festival da Canção