Mil nenas e nenos cantan “Chea de vida” con Guadi Galego
Martes Maio 16th 2017,
Filed under: Música
Comentarios desactivados en Mil nenas e nenos cantan “Chea de vida” con Guadi Galego

Enmarcada na celebración das Letras Galegas, chéganos esta fermosa iniciativa desde Ferrol.

Por unha lingua chea de vida.
Por un ensino cheo de vida.
Por unha mocidade chea de vida.
Por unha vida chea de música.

A raíz do curso organizado polo CFR de Ferrol “O coro escolar como actividade integradora”, decidiuse xuntar a máis de mil nenas e nenos de centros de ensino de Ferrolterra para estimular a creación de coros escolares a partir do repertorio de músic@s galeg@s actuais.

A canción escollida foi “Chea de vida”, de Pachi García, interpretada por Guadi Galego no seu disco “Lúas de outubro de novembro”.

Esta actividade contou coa colaboración de Navantia, que cedeu unha das súas naves para realizar e gravar a actuación, a Secretaría Xeral de Política Lingüística e coa participación desinteresada do director dos coros Ramón Bermejo Díaz de Rábago, da cantante Guadi Galego e do guitarrista Guillerme Fernández.



Hemisferios. 8 mulleres, 8 voces, 8 de marzo
Martes Marzo 07th 2017,
Filed under: Música,Videocampaña
Comentarios desactivados en Hemisferios. 8 mulleres, 8 voces, 8 de marzo

8 voces de mulleres galegas para o 8 de Marzo. Distintas propostas musicais. Distintas xeracións. Uxía, Ugia Pedreira, Alba María, Pilocha, Carmen Rey, Belem Tajes, Silvia Penide e Sonia Lebedinsky. A letra e a música é da máis nova de todas elas, Alba María.

Reuniron o seu talento e a súa forza vocal, puxérono para dar pulo á causa feminista neste 8M, a proposta das áreas de Cultura e Igualdade da Deputación da Coruña como forma de comemorar o Día Internacional das Mulleres.

Fonte: Sermos Galiza (07/03/17)



iFala
Sábado Maio 21st 2016,
Filed under: Música,Videocampaña
Comentarios desactivados en iFala

iFala from Illa Bufarda on Vimeo.

Video para Ora Galega con motivo da celebración do centenario das Irmandades da Fala.
Letra, composición e interpretación musical: Poetarras
Idea, guión, gravación, edición e posprodución de vídeo: Illa Bufarda
Gravación e posprodución de audio: Pablo Lamosa
Axudante de produción na rodaxe: Natalia Veiga

 

Letra:

Son tradicional
sacho nas patacas, bebo directamente da vaca
Espiritual
vou de xira coa Santa Compaña se estou de resaca
Son conceptual
creo que estamos ante unha lingua afrodisíaca
E son inmortal
Cen anos despois as Irmandades contratacan

Hai sombras, hai dramas, hai sondas, hai chagas, hai meigas, hai eivas, ai, para
Hai tolos, hai bravas, hai soños, hai ganas, hai pobo, hai todo, iFala

Son a normalización
deixemos para as latas de sardiñas a conservación
Autodeterminación
esta é a cuestión a miña zona as miñas decisións
Son a exaltación
esta terra é tan fermosa que ao admirala caio na masturbación
Son revolución
Irmandades da Fala representadas nesta xeración

Hai sombras, hai dramas, hai sondas, hai chagas, hai meigas, hai eivas, ai, para
Hai tolos, hai bravas, hai soños, hai ganas, hai pobo, hai todo, iFala.



Hai un lugar no norte. Roger de Flor e Os Silvestres
Sábado Maio 21st 2016,
Filed under: Música
Comentarios desactivados en Hai un lugar no norte. Roger de Flor e Os Silvestres

Hai un lugar no norte é o videoclip promocional do disco conxunto de Roger de Flor e a banda Os Silvestres, que presentaron en 2013.
Foi gravado na liña ferroviaria do cantábrico pola produtora audiovisual Producciones Mutantes.

Grazas a Miguel Almeida (3ºESO-B) pola recomendación.



Amélia. Caxade
Martes Xuño 02nd 2015,
Filed under: Música
Comentarios desactivados en Amélia. Caxade

Caxade

 

Amelinha, Amélia, non sejas carota.
Vem e dá-me un beijo dessa tua boca.

Desta minha boca nom cho podo dar.
Está meu pai alerta. Póde-me raiar.

Se está teu pai alerta nom te raia, nom,
Amelinha, Amélia do meu coraçóm.

O meu coraçóm é como a pedra dura.
Fai como a laranja quando está madura.

Tema de Alonso Caxade pertencente ao álbum A danza dos moscas (2023).



Capadores de extraterrestres. Caxade
Martes Xuño 02nd 2015,
Filed under: Música,Videocreación
Comentarios desactivados en Capadores de extraterrestres. Caxade

Capadores de Extraterrestres é o quinto vídeoclip publicado por Caxade a partir dun tema do mesmo título pertencente ao seu disco A dança dos Moscas.

 

Javier ANTELO: dirección, realización e post-produción
Alonso CAXADE: dirección, idea, guión, música, voz e acordeón
Manu PAINO: trompeta e carillón
Manu ESPINHO: bombardino
Xosé TUNHAS: batería
María da PONTRAGHA: extraterrestre
Tânia AMENEIRO: capadora
Moncho PEREIRA: capador
Joám CASAS; capador
Paco NOGUEIRAS: capador

Gravado no Concello de Ames em maio de 2013
Editado no mes de novembro.
Publicado o 30 de novembro de 2013

 

FONTE: Canle de YouTube de Caxade

 



Afiador da realidade. Caxade
Martes Xuño 02nd 2015,
Filed under: Música
Comentarios desactivados en Afiador da realidade. Caxade

Alonso Caxade, ligado á música desde cativo, compartiu proxectos con músicos de estilos moi diversos até que comezou o seu traballo máis persoal no ano 2012 con Caxade.

Nese ano viu a luz o seu primeiro videoclip  Dança dos Moscas. Logo virían Gente Pota e Sr. Xorda.

En novembro de 2013 editou, no selo cooperativo “Discos da Máquina”, o seu primeiro traballo discográfico A Dança dos Moscas coa banda formada por Manu Paino (trompeta e carillón), Manu Espinho (bombardino), Xosé Tunhas (batería) e o proprio Alonso Caxade (voz e acordeón).

A Dança dos Moscas esgotou nun só mes a súa primeira tirada e conseguiu o aplauso da crítica e do público. Converteuse na grande revelación da tempada e valeulle a Alonso Caxade ser escollido o mellor artista nos Premios Opinión 2014, entre outras moitas nominacións e premios.

A música de Caxade é, segundo se recolle na súa web, “folk-pop cum arrecendo a música minimalista e a sons bucólico-pastorís da velha Europa. Música elegante, modesta e singela, surrealismo pós-modernista e discurso reivindicativo, metafórico e irónico”.

Eis unha actuación de Caxade en Atardecer no Gaiás, o 13 de xullo de 2013, pouco antes de que se editase o seu primeiro disco:


Vídeo realizado por Edición Rusa para a Cidade da Cultura de Galicia.

Fonte: Caxade



Teu nome por mar e terra. O Terser Home
Mércores Maio 27th 2015,
Filed under: Música,Videocreación
Comentarios desactivados en Teu nome por mar e terra. O Terser Home

Canción de aCadaCanto (Guadi Galego, Xabier Díaz, Guillerme Fernández e Xosé Lois Romero) debuxada polo Terser Home (Carlos Lago) en mil e pico post-its.
A letra é de Carlos Rivero Troncoso.



Teu nome por mar e terra. aCadaCanto
Mércores Maio 27th 2015,
Filed under: Música
Comentarios desactivados en Teu nome por mar e terra. aCadaCanto

Canción de aCadaCanto (Guadi Galego, Xabier Díaz, Guillerme Fernández e Xosé Lois Romero) a partir dun poema de Carlos Rivero Troncoso.

Quero cravar o teu nome
cunha navalla de lúa
nos outos muros da noite.

Nun pano cor de limón
pon o teu nome e no mar
ízao no mastro maior.

Vou escribilo na area
có tinteiro de alborada
pra que o vexan as sereas.

Se o teu nome naufragase
ían saber a vainilla
as augas dos sete mares.

Con branco fío de seda
vouno bordar na bandeira
dunha nao que sae pra Cuba.

Pra Cuba non meu amor
quero que vaia o meu nome
prá illa de Curação.



Terra. Dakidarría (formato karaoke)
Mércores Maio 27th 2015,
Filed under: Música
Comentarios desactivados en Terra. Dakidarría (formato karaoke)

Fonte: Cancións en galego